朗尼醉駕再被揭疑似又再出軌偷食事件，據報佢老婆高蓮返咗英國之後準備同佢離婚，分佢7,000萬鎊（約七億港元）身家。朗尼依家知衰，亦唔想同高蓮離婚，但今次可能真係恨錯難翻。大住肚嘅高蓮返英國後，已經帶埋佢三個囝囝離開朗尼大宅，搬返去外家住，亦擔心幾個小朋友會因為今次事件，返到學校會俾同學笑。

另一邊廂，偷食女主角Laura Simpson，就繼續向傳媒爆料，話如果朗尼當晚唔係被捕，佢哋一定會有下文。暫時未知Laura爆料有冇收任何利益，不過有人揭發佢喺網站徵求Sugar Daddy，月收六千鎊求包養。