【客串演出】52歲抗癌勇士張達明同楊玉梅新片鬥戲好精神!
邵美琪張達明鼻咽癌演出醫藥費黃一飛黃一山河國榮顏仟汶苑瓊丹我要靜靜
雖然今次張達明只係客串,不過開工時,佢都好認真(微博圖片)
經歷過抗癌之路,52歲回復單身嘅張達明,仍然沉醉喺演出當中,未有放棄!
張達明於2001年跟心理醫生何念慈結婚,張達明4年前驚爆患上鼻咽癌,當時老婆鼓勵佢接受化療,有傳二人為籌醫藥費,將居住西貢獨立屋出售套現,雖然化療嘅後遺症,張達明手腳麻痹,最終佢都抗癌成功,可惜今年張達明忽然喺微博發聲明,稱兩公婆已分居一段時間,之後會各自生活,並共同教養子女,意味15年婚姻將告終。
雖然張達明外型消瘦不少,不過仍然有一股「戲癮」,早前應承客串演出好友楊玉梅套戲《我要靜靜》,楊玉梅更碌盡人情卡,搵咗邵美琪、河國榮、黃一飛、黃一山、張達明、苑瓊丹、顏仟汶等10多個朋友演出。
楊玉梅今日凌晨喺微博貼出張達明嘅開工相,身體仍正在康復中嘅張達明,睇落好精神,留言:「很困,很累呢,今天由第一場直到現在️日+夜戲,也沒停過,還要拍攝到天亮喔,加油!」 未知張達明有冇捱夜開工呢!?