諗到係，祖國大孖沙喺香江搵殼，成為咗大氣候，北海若果真係搞分拆，無形中一開二，走多間上市公司出嚟。所以，無論北海本身又好，或者分拆出嚟嘅既公司都好，其中一隻只要化身大龍鳳，北海肯定都直接得益，兼肥仔水。
咪扯咁遠，北海啱啱公佈半年成績單冇耐，就算扣除期內一筆2,100萬元嘅非經營性收益，半年純利都增長過30%，到3,425萬元，主打製漆業，keep住唔錯增長。
又今年阿爺計劃建構700萬套保障房。又喺北海半年結後，祖國7月汽車產、銷量，按年增加咗8.6%同6.7%，8月產、銷量亦keep住增加2.2%同4%。阿爺保障房國策，連埋汽車業好景，支持北海繼續搵真銀，PE繼續keep喺4、5倍超抵搞水位。
祖國行家，渝三峽家陣高達50倍PE，金力泰預測26倍PE，北海PE係大折讓咗80%！又北海家陣PB得0.7倍，上邊祖國行家，PB全部喺1倍樓上。
買北海，當睇基本面，現價（0.44元）翻半番到0.67元，預測PE先得6.5倍，未有耐追到行家。又北海若果真係搞分拆，有機會博大龍鳳。