阿仙奴前鋒基奧特喺夏季轉會窗期間幾乎轉會愛華頓，呢位法國射手最終當然無過檔，間接令到一心諗住搵基奧特填補盧卡古離隊加盟曼聯空缺嘅朗奴高文，後尾都俾球會炒魷。基奧特點解唔肯去愛華頓，可能一直都會係一個謎，奇就奇在當時量緊地，家陣教緊愛華頓嘅領隊艾拿迪斯似乎有答案喎！

大Sam禮拜二晚俾英國傳媒追問，會唔會喺冬季轉會窗期間試下翻兜基奧特嘅時候，呢位前英格蘭代表隊領隊就話：「我又無咁諗過喎，因為上次係佢自己唔肯過嚟嘅。可能佢唔想離開北倫敦，又或者佢老婆唔想，你知喇，倫敦區對啲老婆嚟講係好重要㗎嘛。通常佢哋先係老細，呢個係經驗之談。」

----------------<br />BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM 

基奧特點解唔去愛華頓 大Sam竟然有答案？