許廷鏗拍廣告罕有露腿上陣 欣宜愛自然美拒P圖變索女
蘋果日報 2021/06/17 18:17
許廷鏗鄭欣宜陳蕾顏卓靈
鄭欣宜、許廷鏗與顏卓靈今日以活力一面現身中環為服裝品牌店開幕。許廷鏗分享小秘密，經已12年沒以短褲在幕前亮相，他自揭肥腿明顯是弱點，惟今次在品牌廣告中才露腿上陣。
許廷鏗笑指一直以來性感底線在腳眼，「好耐冇見過菠蘿蓋（膝蓋），覺得幕前着長褲會莊重啲，但而家感受到好爽，明白啲人話夏天着咗短褲着唔返長褲。」他否認為錢甘願將弱點暴露於人前，更笑言「唔關事啦，咁幾千萬，條褲咪可能短到三角褲」，欣宜即希望好友接多些三角褲工作，許廷鏗竟然說：「三角褲好大....心理包袱，it’s not a big deal.」他更保守表示平日着泳褲有配四個骨褲打底：「唔露晒出嚟，若隱若現先好睇。」相反欣宜則較正常自然，泳衣不會再打底。
品牌理念真實美，許廷鏗和欣宜有感風格相同，影相亦不會P圖，鍾意自然美，欣宜笑說：「有時同fans合照，影完都認唔到自己，第日失咗蹤睇相都搵唔到。」許廷鏗則認為大家還青春，主張「少執圖，多真相」。
陳蕾、許廷鏗、鄭欣宜、顏卓靈與網紅J Lou出席活動。
許廷鏗與鄭欣宜崇尚自然美，抗拒美圖影相。
鄭欣宜、顏卓靈與網紅J Lou各有美態。
許廷鏗與陳蕾同樣熱愛音樂。
-----------------------------