馮仁昭四圍超：妄攝Iris露Bra贏封咪DaDa - 馮仁昭
蘋果日報 2010/12/30 00:00
陳靜（DaDa）帶住七個師妹Liz、Bambi、Ivy、Lillian、Iris、Elaine、Ayu幫模特兒公司Jasco影嘅2011年月曆，噚日喺旺角搞簽名會，排隊想拎簽名嘅fans都係宅男為主，佢哋有個共通點係唔願上鏡，又想拎偶像簽名但又驚俾人影相，不停遮遮掩掩，一啲都唔大方。
DaDa噚日突然玩密實封胸上陣，結果俾師妹Iris（右）嘅低胸裝兼露黑bra邊搶晒鏡。
DaDa嘅fans以宅男為主，但冇一個肯大方上鏡。
DaDa驚走光
以為DaDa會着得性感益吓班fans，點知收埋咪咪，佢好老實咁話因為係簽名會，驚會走光，仲話費事搶咗公司班女仔嘅風頭，所以着到咁。有「ECup超蓮」稱號嘅妄攝女Iris露bra邊就威番次，佢話唔驚走光，有乜嘢事可以着番件外套頂住，果然係醒目女。
DaDa勁敵浸大咪神楊梓瑤（Carol）喺電影《婚前試愛》半裸大膽演出，近排人氣遠超DaDa，DaDa講明唔會學Carol拍性感戲，佢話：「未去到嗰個位未必做到，今次影月曆已經好性感，屋企人都有微言，拍戲過火嘅都唔敢試。」有好多富二代朋友嘅Iris都話性感要有尺度，一定要有衫着遮到重要部位，拍戲情節太性感都唔得。
DaDa勁敵浸大咪神楊梓瑤（Carol）喺電影《婚前試愛》半裸大膽演出，近排人氣遠超DaDa，DaDa講明唔會學Carol拍性感戲，佢話：「未去到嗰個位未必做到，今次影月曆已經好性感，屋企人都有微言，拍戲過火嘅都唔敢試。」有好多富二代朋友嘅Iris都話性感要有尺度，一定要有衫着遮到重要部位，拍戲情節太性感都唔得。