【李八方online】白鴿黨引述全球反貪組織 指梁振英UGL案有疑點
透明國際尹兆堅UGL林卓廷李八方ONLINE梁振英民主黨天下為公
身在英國訪問嘅林卓廷同尹兆堅,匯報同當地相關組織及人員講解UGL案嘅情況。撮自民主黨facebook短片
民主黨「天下為公」兩名成員林卓廷同尹兆堅,早前出發到英國跟進前特首梁振英涉及嘅UGL案。佢哋兩位已經到埗,並同全球反貪組織「透明國際(Transparency International)」嘅高級研究主任Steve Goodrich會面,阿廷會後引述對方指,同意UGL案有相當嘅疑點,應該要喺英國進行相關調查,仲話會親自搜集有關資料,睇下點樣可以支持「天下為公」嘅工作。阿尹仲話對方透露向媒介轉介事件,希望施加到壓力。
佢哋同時亦同英國工黨前任影子外交大臣Catherine West會面,引述對方好關心UGL案,同意以國會議員身份了解National Crime Agency調查嘅進展,仲話對方明白香港市民對梁振英施政令社會嚴重分化嘅憤怒,表示會積極跟進。據知Catherine West亦好關心香港近年被嚴重打壓情況,特別提到香港年輕參政人包括羅冠聰同黃之鋒等,問及佢哋狀況,承諾會喺不同場合為港人發聲。