啱啱喺大陸中山做完演唱會嘅衛蘭，今日去到新城做訪問，佢話因為天氣問題令佢患上感冒，不過對演出就好滿意，仲話觀眾反應好好令自己都有一段唔記得咗歌詞，佢話：「嚟緊每個月都要繼續返大陸唱，有啲地方我都未聽過。」

雖然好忙，但衛蘭話好享受依家咁忙嘅生活：「可能之前太得閒，依家我覺得OK喎。」咁係咪收入好咗好多？佢話：「我又無計，不過真係想努力儲錢去旅行，我有個好朋友下年喺美國結婚，我想放一個月假過去，所以依家要勤力啲。」