前保安局局長葉劉淑儀接受訪問時直言，政府內部有不少同志，但政府並無恐同現象。「我入政府第一份工作，就係處理同志公務員因過時法例而被檢控，當時我同我同事都好同情佢哋，認為佢哋唔應該被檢控」。她接觸過的同志公務員之中，多受保護。「我哋保護呢啲同事嘅身份，唔想外界標籤呢個係同志常秘，呢個係同志局長，令佢哋受壓」。

去刑事化符合現代社會

她表示，在政府工作時，了解到內部對同志有不成文規定，「我哋考慮到有崗位唔適宜同志，例如喺新界，最保守係當時嘅理民府，同鄉議局唔接受，我哋會保障同志唔去呢啲崗位」。
在港英政府的保安科工作期間，她曾為同性戀去刑事化閱讀諮詢文件。當時社會上有反對聲音，但由於英國已將同性戀從刑事罪行中剔除，作為殖民地的香港亦能跟隨開放作風。「（香港）91年去刑事化，係正確嘅第一步，符合現代社會」。她認為只要兩位成年人在自願的情況下進行性行為，並非欺凌未成年人士，不論性別，都屬合法。
此外，她前日也撰文憶述，在布政司署工作時，一位負責庫房財務的外籍高官，因為他的同性伴侶上他的住所吵架鬧至報警，令同性戀情曝光而遭檢控。政府為保護他，讓他一直從事內部的財務工作，不用擔任對外的職位，直至退休。