成日話同姓三分親，唔知同名又會唔會合作好啲？人稱Rickysan的鄭威濤同Ricky姚本輝合作就如魚得水。鄭威濤以個人名義養的首匹馬叫「超新鮮」，交由姚本輝訓練，上季取得三W，令佢好滿意，仲好欣賞姚本輝練馬功夫。馬主鄭威濤再中籤，一支係個人名下；另一支係團體，兩隻馬都係由鄭威濤同姚本輝結伴飛去英國一齊揀的，其中嗰支團體籤就係今日在港初出好業主團體的「勁新鮮」。「勁新鮮」響愛爾蘭兩贏一哩，聽日在港初出，跑田草1200米可能嫌路短，不過呢匹馬外地三戰兩冠一季，不甩過三甲，屬忠心準繩之輩，如果同場對手稍有失準，話唔定可以偷襲。