韓劇《家和萬事成》37歲女星金素妍，前年拍劇時撻着同劇38歲男星李尚禹，兩人於去年6月拉埋天窗。雖然金素妍、李尚禹兩人都好低調，不過李尚禹近日就忙於為新劇《一起生活吧》四出受訪、宣傳，佢亦大方提到愛妻，相當恩愛。

李尚禹近日為綜藝節目《Happy Together3》擔任嘉賓，當然少不免會提到老婆金素妍，李尚禹就表示：「第一次見金素妍時，我就鍾意上佢，而我決定接拍《家和萬事成》亦係因為佢。」李尚禹又指《家和萬事成》足足拍咗8個月，但佢就每日都着同一件衫，又笑言可能自己咁朴素，老婆先會鍾意佢。

另外，李尚禹日前接受節目《演藝家仲介》訪問時，表示金素妍喺演技上幫咗自己好多，喺屋企亦幫忙對台詞，公開放閃。

更多韓流，喺晒《娛果》
http://fb.com/appledailyent