練馬師姚本輝近期頭馬中，如「鞍歌」、「平天下」、「飛雲寶」及「鑽得勁」均是剛於上仗搏失跑入二至四名之馬匹。周日（3日）賽事姚廐又有「好好彩彩」及「新界之星」剛於上仗搏失入位，前駒出王牌，後駒強配莫雷拉，有力雙雙補中。

「好好彩彩」初出已捧成3.8倍熱門，可見幕後自視頗高，可惜無功而回，翌仗加面箍即取得突破跑獲亞軍，上仗改配潘頓初跑轉彎路程田草1200米，沿途被頂在外疊望空競跑，結果只輸半身位跑第三，若非際遇欠佳應已勝。

今仗馬匹回配梁家俊再跑相同路程，用埋王牌報名，盡顯求勝之決心。

至於「新界之星」上仗配田泰安角逐田草1600米屈居亞軍，今次回配莫雷拉執韁，人馬以往合作三次獲冠季殿各一，加上姚廐今季共有五駒跑入二至四名後再出改配莫雷拉上陣，分別有「威震天」、「飛雲寶」及「鑽得勁」勝出，另外「鞍歌」獲亞軍，睇騎師配搭已知有計。