當年今日
關於我們

李八方online︱郭偉强邊揸車邊開Zoom 被揭發後死撐「四圍走為社區服務」

蘋果日報 2021/01/14 00:00

Zoom立法會郭偉强不小心駕駛

立法會正式開始喺各個事務委員會用Zoom開會,問題即刻就嚟喇。今日工聯會郭偉强用Zoom出席房屋事務委員會會議,其間佢疑似係揸緊車,即係一邊揸車、一邊用手提電話。若然屬實,大家又覺得佢會唔會有事?
今朝房屋事務委員會去到尾段,郭偉强直播自己嘅畫面所見,一度見到佢係扣上咗司機位嘅安全帶,仲有啲好似係掛喺倒後鏡嘅平安符嘅物體喺度郁嚟郁去,而且郭偉强塊面嘅光度經常出現變化,好似喺一架行駛中嘅車入面咁。
之後郭偉强又話若果要佢讀出自己嘅議案就要「轉畫面」,其間會「冇咗視像」,連委員會主席張宇人都話唔明點解要郭偉强讀個議案就會冇咗畫面,郭偉强即刻好隱晦咁話「遲啲教你」。
empty
empty
empty
有傳媒報道都質疑郭偉强一邊揸車一邊用Zoom係不小心駕駛,而根據法例,最高可被判監6個月。就算真係犯法又如何? 郭偉强夠試過拉跌人民力量陳志全啦 ,政府有冇告?到陳志全自己告, 律政司咪介入撤控囉 。
而被人揭發咗後,郭偉强喺自己fb出po話「已盡快在適當位置停車繼續會議」,然後講東講西,話多謝媒體關心嘅報道,近排天氣凍,車上暖氣係佢嘅避寒中心,四圍走係為咗社區服務之類,然後仲好意思叫大家注意路上安全。
empty
-----------------------------
《蘋果》英文版免費試睇: 了解更多
英文版已登錄《蘋果》App,立即 下載/ 更新 : iOS / Android
-----------------------------
支持蘋果深度報道,深入社區,踢爆權貴,即Like 蘋果專題及調查組FB專頁 !