當年今日

  阿牛新書警方要讀 - 李八方

蘋果日報 2002/02/09 00:00


阿牛除咗在維園保釣攤位畫馬,重出咗本新書《牛頭搭馬嘴》。不過,單睇篇自序已經充滿娛樂性。阿牛在自序中開宗明義話自己「挺董」,所以報讀嶺南想自我增值,點知大學唔收,落車兼失業,於是響應創業精神,老作呢本書。又話目標讀者係政界同商界,唔係小市民,皆因一個「窮」字買唔起。
本書除咗有阿牛的笑話、謎語同馬龍的可愛漫畫之外,重有馬年示威指南,詳細列出四五行動、支聯會、保釣、反董大聯盟等的常規示威行動,包括參與人數、地點和警方配備等。阿牛話𠵱家警方有鐵馬又有胡椒噴霧好厲害,市民想參與或避開都可參考呢本書,但八方就話警方先係必讀者至真!


E-mail:[email protected]