樂隊RubberBand今日到商台接受訪問，宣傳今個月推出嘅專輯，不過成員阿正就因工作冇現身。

主音6號話大碟以frank（坦誠）嚟做主題，佢哋由2013年開始，籌備呢隻碟，入面亦都有講返佢哋2013年入面嘅起落。

問到「落」係咪包括俾人話出席維穩騷？6號就話:「係成個2013年，嗰期肯定最多新聞，係一個好機會急速成長，唔係所有嘢都好順利。」