【新增孫泰英回應】
韓國男星權相佑同演員老婆孫泰英育有一對子女，大仔權祿熙遺傳咗爸爸嘅靚仔樣。

而噚日喺韓國舉行嘅「Melon Music Awards 2018」(MMA)，孫泰英就擔任頒獎嘉賓，並頒發咗年度歌曲給iKON嘅《LOVE SCENARIO》。原來噚日孫泰英仲帶埋兒子到場追星，權祿熙喺後台仲同iKON合照，見權祿熙喺現場好興奮，仲大擺甫士影相，睇嚟呢位小粉絲好開心。

事後，有網民指孫泰英疑似利用藝人身份獲得優待，安排囝囝跟侄女於頒獎禮上坐喺歌手席，因而引起爭議，孫泰英隨後刪除囝囝跟iKON嘅合照。

而孫泰英方面今日就為享特權爭議道歉，並回應指因為當時冇人照顧小孩子，所以孫泰英才不得不同小朋友一齊出席頒獎禮，又指：「因爲孩子想見到媽媽，所以先帶小朋友去一個睇到媽媽嘅地方，同時亦都詢問過主辦方，有冇睇得到嘅座位，孫泰英亦唔知道係歌手席，如果知道嘅話就會感到負擔，而頒獎之後已立即同小朋友離開。」孫泰英就事件道歉，並指因為媽媽身份同小朋友暫時在一起而引發誤會，對於為大家帶來不便深表歉意。

精選韓流，喺晒《娛果》
http://fb.com/appledailyent