【新增內容】
對於楊盼盼拍攝電影《大地回春》期間被火燒傷，她的女兒Jessica亦有在ig出post，指自己缺席活動，希望可獲體諒之餘，文中更提到盼盼姐今次受傷，係因為要推開公公婆婆等演員，所以先受傷至現在的程度，而她亦大讚媽媽好勇敢：「知道媽咪的新聞已在各國發佈了，多謝各大傳媒關心，媽媽很勇敢，為了推開公公婆婆等演員而受傷到這程度，但放心，她會逐漸康復。」

60歲武打女星楊盼盼周一喺馬來西亞拍攝賀歲片《大地回春》，期間一場火災場面失火發生恐怖意外，多人燒傷送院，楊盼盼手腳、面部燒傷，現時仍喺當地醫院留醫。同樣有份演出嘅羅家英，日前返港時就透露盼盼姐無大礙，但燒傷部位仍然有啲水泡（新聞連結： http://bit.ly/2NnVv3K ），而盼盼姐女兒Jessica今日以短訊回覆《蘋果》時表示媽咪情況良好：「心情好positive。」

講到盼盼姐情況，Jessica話：「佢今日已經好番好多，連日嚟都有好多朋友探訪佢。飲食方面除咗醫院餐，馬來西亞嘅好朋友都每日為佢prepare早午晚餐，朋友更煮咗organic湯水飯食，所以每日都在熱鬧氣氛下度過。而男主角Cedric亦都好有心，每晚都嚟探佢，傾咗好多偈。Cedric媽咪仲煲咗湯俾所有人員飲。」

之前有指醫生預計盼盼姐需要留院3至5天才可出院，至今盼盼姐已留醫4日，但Jessica就表示未有出院安排：「答你唔到，因為醫生都唔知。」

精選娛聞，喺晒《娛果》
http://fb.com/appledailyent