阿仔要吃西餐、老竇阿媽要吃中菜、老公又想食日本菜……聖誕唔使指定喫火雞嘅，自助餐一次過滿足多個願望。還在想揀邊間?其實有些餐廳在聖誕除夕一晚辦兩場，都難滿足需求，超過半數日子已爆滿，為免家人埋怨，及早訂位吧！

記者：黃潔蓮
攝影：陳陶鈞、楊錦文
Model：姚浩政、Mandy、Kimberly、Byron@PureModels

貴價海鮮搶住食

吃自助餐最怕蝕底，一定先由最貴的吃起！海鮮是最貴價的食物，我就是看中TheGreenery的超級海鮮拼盤，波士頓龍蝦、加菲蟹、雪場蟹腳、阿拉斯加蟹腳、小龍蝦、大蝦、青口、翡翠螺、花蟹等等，狂食龍蝦，已經值回票價。還有那個金必多魚翅湯，是由魚湯熬成，再加帶子、青口、魚翅等製成，味道鮮甜。還有燒澳洲M3和牛，在平安夜當日，每位客人可獲贈煎珍寶帶子一隻，每隻直徑差不多2吋。在除夕夜每位客人可獲贈煎鵝肝伴鮑魚一客，重100克的青邊鮑，先蒸20分鐘，再以日本醬汁浸10分鐘，肉質腍滑。有得食，當然少不了睇表演，聖誕期間特設歌劇式大樂隊及舞蹈表演。加上餐廳位處燈飾最集中的尖東區，吃完上半場，還有大把時間出去影靚相。聖誕除夕一日兩場，已有半數場數爆滿了。

TheGreenery

地址：尖沙嘴麼地道69號帝苑酒店3樓
收費：（平安夜及聖誕夜）成人$888-$988、$788-$1,288
查詢：27332030

米芝蓮中菜自助餐

不想吃西式或生冷食物，跟老人家最好吃中菜。剛榮獲米芝蓮二星的國金軒，首次推出中式自助餐，中菜少不了鮑參翅肚等貴價貨，每位客人可獲贈蠔皇扣南非乾鮑一隻及高湯竹笙釀燕窩一客。此外，當日必試的還有北京片皮鴨，師傅說特別選用每隻約重5斤的東莞鴨，不太肥膩，亦不會太瘦而肉韌，而且要塗上上皮料（麥芽糖、醋等），再風乾10小時以炭火燒個多小時，皮脆肉嫩，還配以酸薑，包片皮鴨的麪皮還有菠菜、甘笋和原味選擇。另外招牌國金炒飯，用了鵝肝粒來炒，飯粒充滿鵝油香味，必試！最大好處是，有別於一般一晚要做兩場生意的西餐，你可在這裏由6時吃到10時，4小時慢慢嘆。由於只辦平安夜和除夕夜，目前兩晚已經八成滿了。

國金軒

地址：尖沙嘴彌敦道118號TheMira3樓
收費：（平安夜）成人$788、小童$398；（除夕夜）成人$888、小童$498
查詢：23155222

應節BBQ火雞

聖誕節很多人都會去BBQ慶祝一番，不過佳節當前，如果着到靚靚，都不想被那陣油煙味沾污吧，不如幫襯酒店的BBQ自助餐，坐在花園裏，讓廚師代勞幫你燒就最好不過！位處旺角鬧市的TheBackyard，在12月份推出的自助晚餐，有烤半隻龍蝦、和牛、帶子、大蝦、美國煙熏排骨等等，特別在平安夜及聖誕日加設扭氣球達人及聖誕老人一齊慶祝，除夕夜更有DJ駐場。如果嫌吃燒烤不夠喉，加$30就可以到旁邊的ThePlace享用共70款佳節食物，鵝肝和聖誕傳統必吃的英式餡餅都不容錯過。目前平安夜當日，上下兩場經已爆滿，聖誕日已有九成滿，除夕夜目前半滿，想慶祝就要快手。

TheBackyard

地址：旺角朗豪酒店4樓（L層）
收費：（平安夜、聖誕夜及除夕）成人$598-$638；（平日）成人$438-$468
查詢：35523250

擦完大餐去睇戲

聖誕節除了睇燈飾等免費娛樂，大部份人都會鑽進戲院，所以吃完自助餐去睇戲，真的一樂也。在平安夜、聖誕及除夕夜到CityCafe惠顧，每位顧客除可獲贈燕窩金箔北海道牛奶布甸一客，還可獲得《穿梭少女夢》電影$10優惠券一張。此外，當晚有平安夜報佳音、埋身表演魔術、扭波波、大抽獎等節目，算是很豐富了。

CityCafe

地址：九龍窩打老道23號城景國際酒店
收費：（平安夜、聖誕及除夕）成人$438（18/12前訂位八五折、大新信用卡八折）；（平日）成人$338
查詢：27833287

買一送一平一半

聖誕自助餐，每位最平都要五六百元，一家大小分分鐘貴過擺一圍酒！不過皇悅酒店旗下三間酒店，灣仔、尖沙嘴及銅鑼灣，都推出成人顧客自助晚餐買一送一優惠，聖誕及除夕新年期間，每位成人$468變相半價優惠，而且每位還附送香檳一杯。而小童及60歲以上長者，特惠價$148，可說是平通全港酒店。

皇悅酒店

地址：灣仔軒尼詩道33號L1
收費：（平安夜至BoxingDay、除夕及新年）成人$468；（平日）成人$368；小童及60歲以上長者$148
查詢：36922111