【本報訊】一名女子日前搭小巴時，因多入「一兩蚊」要求司機退款不遂，即發火爆粗辱罵司機，惟司機卻冷靜應對，有乘客不齒她所為，拍下片段及上載facebook，有網民力撐司機，要該女子向司機道歉。
該片段長約4分鐘，一名蓄長直髮及戴粗框眼鏡的女子，於深夜搭乘小巴返回旺角富榮花園，疑因多付車資求司機退款，但司機指不設找續，隨即辣㷫她，連珠炮發地以粗言穢語怒罵司機。「我以前搭車嘟錯卡（八達通），司機都畀番錢我啦。」「你啲咁嘅服務態度，我錄低晒㗎啦！」「我係講緊個幾蚊咋，我唔×順呀！」

及後她揚言要向站長投訴，更邊罵邊以手機拍攝司機駕車情況。有同車乘客表示給她20元請她收聲，亦有乘客問司機要不要報警，惟見慣世面的司機卻安慰指「呢啲好小事，唔使驚」。
根據本港法例，小巴乘客不可故意妨礙司機或分散其注意力，違者可罰款3,000元及監禁6個月。運輸署亦指，市民乘搭公共小巴時若多付車費，可聯絡營辦商要求跟進。