湛琪清（Jessica）及梁雨恩今日喺尖沙嘴出席聖誕活動，席上二人跟雜耍師學「轉碟」，Jessica笑言回家後會表演俾表姐汪圓圓個囡囡睇，佢話：「佢好得意，好sweet，o依家已經識叫我做阿姨，o氹到我好開心。」

Jessica透露聖誕節父母會來港及到上海旅遊，一家人將於香港團聚。聖誕佳節理應收到唔少男士嘅約會邀請，但Jessica就話因為想陪伴家人及專注工作而婉拒邀請，佢透露12月是佢嘅生日月，會有慶祝活動：「家姐會喺香港搞一個遊戲障礙賽，佢都有請我哋參加，到時可能同詩詩一齊玩，但圓圓就因為陀緊B玩唔到喇。」