樂瞳今日在中環出席婦科活動，她以過來人身份，呼籲女性要定期做婦科檢查。樂瞳表示經常受經痛困擾，去年年中發現自己患上子宮內膜異位，她說：「以前喺英國讀書，我住喺朋友宿舍，我哋諗住行去食快餐，買完包之後，我經痛痛到嘔，嘔咗落袋麵包度，我朋友一左一右扶住我返去，我返到朋友嘅宿舍休息，但係我瞓到佢張床全部都係血，我覺得好尷尬。」

樂瞳指每次遇到經痛，媽咪都給她服用止痛藥，由於多食止痛藥不太好，所以現時只好死忍。如果拍劇時遇上經痛，她說：「我拍《平安谷之詭谷傳說》嘅時候，因為好多群戲，我痛到要坐喺樓梯，全部人都知我經痛，我痛到標冷汗，如果場戲冇我，佢哋都盡量唔使我埋去；有次拍廣告，我為咗靚，之前飲咗排毒果汁，可能太寒涼，第一日就嘔，搞到呢個工作要延期，所以好影響我日常生活。」

對於子宮內膜異位有機會導致不育，早前媽咪才向她催婚，樂瞳笑說：「老人家嘅思想都係鍾意抱孫，我都覺得自己會生仔，雖然未必係而家，但要及早正視呢個病，雖然醫生話個瘤同BB可以共存，但我唔想咁樣，所以而家會定期檢查。」

採訪：黃曉妍

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV