Netflix新劇《王冠》（The Crown）已經開播，呢部劇集講「事頭婆」英女王伊莉莎白二世在位60年嘅事蹟，英國女星Claire Foy擔大旗喺劇中飾演英女王，而《異世奇人》（Doctor Who）男星Matt Smith就扮演菲臘親王。

Matt喺第一集有背面全裸場面，係講裸睡中嘅佢喺睡房內被人叫醒，露出八月十五。原來係因為有傳菲臘親王本身有裸睡嘅習慣，所以編劇先會安排Matt全裸上陣。Matt表示菲臘親王本身喺喺海軍中服役，但因為伊莉莎白二世登基，佢被逼辭去職務，更要企於妻子身後兩步，令佢初時感到失落。