【李八方online】689又嚟料 建議香港車免中港牌返大陸
大灣區李八方ONLINE梁振英中港牌一地兩檢
前特首梁振英尋日現身一個午餐會嘅時候,提到廣東幅員咁大,道路承載力亦相當強,所以仲有冇需要規定香港車要攞中港牌先至返大陸呢?咁樣問得,言下之意梗係覺得可以取消中港牌啦。
前特首梁振英係搞歪香港方面嚟講真係不遺餘力,佢嘅最新力作就係建議香港車唔使領中港牌就可以返大陸。有啲人可能覺得咁樣好正嘅,不過大家仲記唔記得高鐵一地兩檢係點嚟先?
梁振英尋日現身一個午餐會嘅時候話,繼續硬銷大灣區,佢提到廣東幅員咁大,道路承載力亦相當強,所以仲有冇需要規定香港車要攞中港牌先至返大陸呢?佢咁樣問得,言下之意梗係覺得可以取消中港牌啦。正如西九站一地兩檢嘅前身、深圳灣口岸咁樣,當初整深圳灣嘅時候都冇人諗過,有朝一日係香港割番塊地畀大陸做一地兩檢。
呢個梁振英都算古惑喇,佢呢頭講完畀香港車返大陸,嗰頭就話都要諗對等問題,不過香港街道窄,廣東車唔使中港牌直入香港就會交通擠塞。其實佢呢啲語言偽術早就被大家識破,加上一地兩檢言猶在耳,大家真係要警惕警惕。