視覺藝術家黃國才評價民政總署有份設置的燈飾「行貨到不得了」,不只設計舊式,而且屬過氣美學,「尤其是中山紀念公園的嫦娥燈飾,求其搵個西方假人頭放落嫦娥個頭做燈飾,嚇親人,後面啲字體其實唔需要用電腦字,可以搵書法家寫完再砌出來」,他認為中秋設計要尊重傳統,但同時要提升品味,認為民政署部份燈飾設計屬「拙劣的東方設計」。
他認為香港政府向來倒錢落海,未能評估今次燈飾是否過度昂貴,「不過,以幾十萬價錢只能展出6日,而美學品質係咁時,只能夠話低劣」。他指,如果工程是由一些欠缺美學教育品味的區議員去決定,多多錢也無法填補美學缺陷,市民雙眼變相受罪。
本報記者昨日前往中西區的中山紀念公園了解,該處放置了慶祝中秋的3D立體燈飾。燈飾位於公園右邊的角落,若從大門外看,根本難以察覺其存在。燈飾下的展板字形細小,又被盆栽遮掩,即使彎低身靠前看,也難以看到展板上完整的內容。每日都會來到公園晨運的街坊林先生表示,今年燈飾與上年差不多,沒有新意,「呢個慳皮到呢,荷李活公園嗰個就靚啲啦」。他更直言燈飾「三不像」,「一啲美感都冇,簡直不知所謂」。
記者又去過九龍城九龍仔公園,該處燈飾較小型,容易被草叢掩沒,毫不顯眼。街坊何先生表示,雖然平日經常到公園內泳池游水,但都沒有留意該燈飾的存在。他笑言,該燈飾十分「核突」,「隻公仔好似以前亞視入面(羅茲威爾事件)解剖嘅外星人」。
■記者梁佩珊、李思潁