韓國型男玄彬夥拍女星朴信惠演出嘅tvN劇集《阿爾罕布拉宮的回憶》，噚晚播出第11集，二人終於咀嘴，成功將收視升至9.431%，再創劇集開播以來嘅新高。

劇情講到玄彬跟秘書喺西班牙玩「AR擴增實境」遊戲時遭追殺，秘書於遊戲中陣亡，於現實中亦意外身亡，玄彬去醫院認屍時激動痛哭。

雖然好多人因遊戲而死亡及失蹤，不過玄彬仍執意要玩落去，找出其中嘅問題，卻遭公司罷免，甚至仲可能被冠上殺人犯嫌疑，佢問朴信惠：「我冇父母，冇家人，連好似弟弟一樣嘅秘書都死咗，我一手打造嘅公司都唔要我，大家都唔相信我，你仲會相信我嗎？」朴信惠就表示：「我會一直相信你。」二人終於確認彼此心意，於雨中激吻近兩分鐘，成功刺激收視。

精選韓流，喺晒《娛果》
http://fb.com/appledailyent