當年今日
關於我們

【越嚟越多Job】認見何哲圖「傾嘢」 黃翊期待父子檔上陣

蘋果日報 2017/06/27 15:47

何哲圖星夢色士風黃翊

黃翊今日喺觀塘同《龍珠》嘅孫悟空、《IQ博士》嘅小雲兩個卡通人物一齊出席戶外活動,黃翊話自細就鍾意呢兩套卡通:「細細個仲會將個頭gel起晒,扮孫悟空變超級撒亞人。」
問到近期係咪多咗好多活動邀請?黃翊話:「都係㗎,自從上完TVB個節目後真係多咗好多活動去接洽,好開心仲有咁多人記得我。」
提到早前被指同星夢嘅何哲圖(Herman)密密斟,究竟係咪會即將簽約星夢?黃翊話:「我同Herman識咗好耐,嗰次係傾吓其他嘢啫,暫時冇諗住簽星夢。」不過我黃翔承認目前的確有幾間唱片公司接洽緊:「我要好好考慮,始終唔係小朋友,好多嘢要諗清楚,最緊要搵到適合自己,雖然仲未有唱片公司,但係我近來都錄緊新歌,都投資咗六位數字,或者等新歌錄完先再決定。」
經營緊大排檔生意嘅黃翊話,嚟緊正職同唱歌都會兼顧,佢仲透露個仔都好有音樂天份:「個仔今年16歲,o依家學吹色士風,都玩得唔錯,睇吓第時有冇機會合作。」
empty
黃翊今日孖悟空同小雲出活動
empty
佢話細個學卡通人物gel頭
empty
黃翊話個仔有學樂器,唔知第二日有冇機會合作吓。