當年今日
關於我們
【韓流】涉誣告李鎮旭性侵女子判無罪 法院:冇明確徵求同意
蘋果日報 2017/06/14 12:15
李鎮旭
韓劇《愛你的時間》嘅35歲男星李鎮旭,去年捲入性侵案,被女友人A小姐指控性侵,事後李鎮旭獲證實冇嫌疑,但因為捲入醜聞而令佢形象跌至谷底,幸而都唔算對佢演藝事業影響好大,早前佢更復工與女星高賢貞合作獨立電影《比老虎還可怕的冬季客人》。
由於不甘被屈,李鎮旭早前已反控A小姐誣告,經過多次聆訊後,首爾中央地方法院今日於一審中就判A小姐無罪,並表示:「兩人嘅性關係喺達成協定仍在疑點,A小姐錄口供時表示非自願發生性關係,作供時亦都表達了羞恥心,所以完全有理由懷疑發生性關係時係沒有尊重女方嘅意願。」同時法院又指喺李鎮旭嘅供詞中亦都冇提及過有冇詢問過女方是否同意發生性關係,所以有理由相信當時李鎮旭係冇徵求過同意,所以最終判定A小姐誣告無罪。