【美國直擊】石天欣拍片記錄疫情下生活 盼早日返港
石天欣美國生活預防措拖
前無綫藝人石天欣在2016年與拍拖4年的Jacob結婚,婚後跟隨老公定居美國生活,專心照顧家庭之餘,同時亦會做網購生意。武漢肺炎在全球肆虐,在美國更有蔓延的趨勢,日前美國政府發出全國指引,建議人們在未來15天內,減少聚會與外出,出現社區傳播的州份關閉酒吧、餐廳、健身房、電影院等公共場所。
因為武漢肺炎的關係,令到有一段時間沒有拍片上載到網上的石天欣,今日拍了一段短片上載到社交平台並說:「冇諗過因為武漢肺炎嘅關係,再拍片同剪片。最近發生嘅事實在太不可思議,所以先想記錄一下,大家記得繼續做預防措施,希望大家都身體健康!」戴上護目鏡和口罩的石天欣,直擊美國一個遊客必到的OUTLET,她直言受到疫情影響,當地有不少店舖暫停營業,有部份舖頭為了減省開支,亦提早關門,人流明顯疏落。
她表示上星期在OUTLET未見到有任何人做預防措拖,直到今日終於有店員戴上手套或者口罩:「可以話實在有太大嘅進步,真係好感恩。大家睇新聞都應該都知,美國人係唔主張戴口罩,只係叫人不斷咁洗手,所以你會見到佢哋不斷咁抹枱,不過嗰個人係冇戴手套。」接着她回家後,見到她進行連串的消毒工作,例如為隨身物品、電話和護目鏡等等,她還說:「希望大家嘅防疫意識唔好減低,因為而家越嚟越多嘅海外個案輸入香港,記得返到屋企真係徹底消毒,眼鏡、衫同電話套都記得一定要洗,希望大家都身體健康喇,我真係好想返香港呀!」
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》