當年今日
關於我們

【職場寶鑑】現代伯樂唔易做(久保)

蘋果日報 2018/12/14 12:00

獵頭investMAN久保paCEO

「世有伯樂,然後有千里馬。」春秋時代有孫楊相馬薦馬,俾佢相中嘅馬,都係良駒,能夠日行千里。後來佢更加將經驗結集成書,圖文並茂,寫成《相馬經》,喺隋唐時代影響好深,本書擺咗上神枱。原著已經散佚,但典故仍然傳頌千古。現代都有獵頭相人薦人,小弟都有本劣作《全職獵人 ─ 獵頭公司奇情實錄》,記錄咗各種職場奇聞,等大家放Break,食Social煙嘅時候多個話題。
或者你會覺得,獵頭都係為咗佣金先搵Placement,獵頭同Candidate嘅關係好難同古代賓主關係比較。但係我手上有一百幾十份Resume,點解要揀你呢?當然我都要根據經驗,做配對和篩選,一係唔出手,一出手我就要一擊即中,唔鍾意拖拖拉拉浪費時間。對於Headhunter嘅知遇之恩,唔期望Candidate湧泉相報,至少都心存感激,我認我係好Old School。
早幾年,接到有份 job,係某知名醫學美容集團女CEO請PA。通常PA都係請女仔,但女CEO指定要靚仔,35歲樓下,身高最少180,曬到皮膚有小麥色嘅Beach Boy,笑容陽光,牙齒要夠白,有一刻以為要請PTBF唔係私人助理,最後個客揀咗個啱啱喺UCLA讀MBA畢業嘅90後Noah。約咗星期五Happy Hour喺Sevva輕輕鬆鬆傾下計。二十出頭,已經戴住隻Panerai,著Zegna西裝,踩住對Base London皮鞋。著住西裝都Feel到佢嗰6舊腹肌,如果係隔離Team嘅Eunice見到佢,應該即刻腿張開,而我都硬左 ─ 拳頭!直覺話我知,佢就係個匹馬。果然佢One Take Pass!因為Candidate要做夠3個月個客先找數,咁我就好似溝女咁,日日噓寒問暖,睇下佢習慣唔習慣份工,同女CEO相處成點,做吓心理輔導咁。驚死佢唔夠試用期就俾如狼似虎嘅CEO用嚟「驅風」,榨乾榨剩辭職。咁我就人財兩失,攞唔到Commission。結果,Noah過咗Probation,錢錢袋袋平安。
我鍾意同Candidate保持朋友關係,一直覺得「山水有相逢」,快則1至2年,慢則3至5年,之後佢地又會再需要我幫忙。同Noah關係大概Keep咗半年之後,有次講笑我話有個私竇,環境好清淨,冇咩人,好啱講男人經、嘆紅酒,叫Noah請食飯,因為佢過咗Probation。傾傾吓突然WhatsApp淨番一個剔,電話又打唔通。原來我被Noah block咗!心入面即刻黑人問號加WTF......
Come on James!你又唔係靚女,怕被我性騷擾?定係以為我鍾意你?直至而家呢一刻我都諗唔明,點解佢會Block我。即使幾任前度都未試過封鎖我,在下第一次就俾candidate破咗功!自此之後,我都唔敢隨便叫candidate請食飯,「得閒飲茶」更要就住講。
其實我哋獵頭同Candidate係合作關係,唔好太短視,今日幫唔到你唔代表聽日幫唔到你,喺商業世界,識人好過識字其實係定律。
文:久保
人稱「全職獵人」獵頭界紅人,見盡獵場光怪陸離,商場奇聞軼事。
investMAN
For People of Style & Substance
掌握理財智慧 感受生活品味
http://facebook.com/investMAN.hk
empty
久保:遇到女CEO 請PA,很多指定要靚仔,身高最少180。