9歲既小巨肺斗譚芷昀(Celine)就憑《全美一叮》爆紅，衝出國際，佢個「星爸」老竇譚順生就負面新聞接踵而嚟，當中佢暗撬家燕姐學生、擬虛報教唱歌資歷、利用《中國新歌星》香港賽區冠軍張翊龍，指對方係佢學生、前員工轟佢刻薄，一句講晒，就係是非唔停。

據知，「Dr.Steve」譚順生唔係淨係想捧紅Celine，佢連自己都好想爆紅入娛圈，故希望今次可以「父憑女貴」，由簽經理人蕭定一到公開活動等工作，都希望「綑綁式」，實行硬sell自己，買細送大。《蘋果》就搵過佢哋兩父女嘅經理人公司老闆蕭定一回應，問到Celine父女合約是否困綁簽，他表示：「唔好咁講，係簽咗兩父女。」問到兩父女合約條件是否一樣，他表示：「唔一樣，佢爸爸想喺呢行發展，搵人幫吓佢，如果有啱兩父女，咪合作一齊做，睇吓佢個別發展方向，點可以幫佢。」