【爆相爆片】阿叻孖秀姑今早飛泰國蘇梅島 等上機脫罩嘆報紙
蘋果日報 2020/03/09 17:09
泰國陳百祥蘇梅島隔離黃杏秀武漢肺炎
（圖片由讀者提供／互聯網圖片）
69歲的陳百祥(阿叻)與黃杏秀結婚41年，雖然無兒無女，但至今仍是圈中的模範夫妻，甚為恩愛。阿叻經常孖秀姑四圍飛，即使武漢肺炎疫情擴散全球，亦無阻二人旅行玩樂心情，今早被《蘋果》讀者陳小姐透過「爆相爆片」分享，見到阿叻夫婦一齊飛泰國蘇梅島。
阿叻和秀姑戴住口罩，同穿白色外套及手提行李袋在離境大堂準備上機，由於航班延遲起飛，阿叻坐在一旁睇報紙，見大堂人流不多，即放下戒心除掉口罩，陳小姐說：「阿叻原本有戴口罩，但之後除低咗，佢老婆就周圍行嚟行去，去吓廁所咁。」由於該飛機較細，沒有商務客位，而阿叻和秀姑亦有upgrade坐第一行，陳小姐續說：「今次班機唔full，得一半左右，同機外國人多，所以都冇乜人認得佢哋。」
泰國政府旅遊局今晨突然宣佈「將採取更嚴密的入境措施」，港人若前往泰國要在當地隔離14天，但卻沒有明確列出新措施具體實施時間，訊息混亂。陳小姐表示他們抵達蘇梅島後亦不需要隔離，她說：「我哋都需要填寫健康申報表同量度體溫，大家都順利入境，冇咩特別。」
阿叻今早出發去泰國蘇梅島，等上機時見人流不多，即除低口罩。（圖片由讀者提供）
阿叻和秀姑襯到絕，同穿白色外套上機。 （圖片由讀者提供）
阿叻和秀姑結婚41年依然恩愛，經常四處出埠旅行。（微博圖片）
（微博圖片）
（微博圖片）
（微博圖片）