【桃園】近期忙喺內地拍劇嘅言承旭之前無緣喺金馬獎同林志玲見面，不過拍完劇後，言承旭即火速返台，原本佢大前日抵埗，點知唔好彩撞正大風雪，搞到要延期至前日先抵台，難怪佢返嚟嗰時一臉倦容，出閘時仲好大陣仗，有成四名助理同一名化妝師陪佢，雖然佢右手指受傷，但佢都好有風度自己推行李，但係當追問有指志玲要搵新歡時，佢就即刻扮聽唔到。
撰文：林妃