經典韓劇《大話妹》女星李多海最近頻頻返內地拍嘢搵真銀，早前佢就接拍咗中韓合作劇《最佳情侶》，當中佢仲同SuperJunior-M嘅周覓飾演一對，日前劇組仲公開咗佢哋着婚紗嘅最新劇照，兩人好不甜蜜。

而日前李多海完成咗工作後，就從北京飛返韓國，有唔少粉絲就走咗去送機，仲即刻將照片上載到微博，只見李多海好鬼親民，又同粉絲合照，不過有唔少網民睇完輯相後，就覺得李多海呢10年間個樣變化好大，讓人難以認出佢個樣。

有網民就覺得佢個樣勁似荷李活女星安祖蓮娜祖莉（AngelinaJoliePitt），又留言話：「我只想話，佢好似李多海，認得佢就只能靠記者了」、「仲係李多海麼？整得太殘了吧」、「只可以講，越整越差，尤其係樣貌」、「唉，自毀樣子」、「其實佢嘅樣貌亦都唔錯，點解要一直整形呢？」、「真係覺得佢應該要停下嚟，好好想想，這臉一次次咁變，也太快了。」