【李八方online】毛孩爸媽眾籌登《蘋果》A1 一人一句鬧爆律政司
蘋果日報 2020/09/13 00:47
李八方online毛孩《蘋果》A1律政司
深井豪景花園年頭爆虐畜案，30條生命俾人殘忍掟落街，導致15死15傷。半年後，律政司只用一句「證據不足」回應，講明唔起訴嫌疑人，簡直人神共憤。一班毛孩爸媽深明，經一般申訴渠道同政府講嘢，尤如對牛彈琴，索性轉個方式，喺今日（13日）登《蘋果》頭版，邀請大家一人一句話畀「親愛嘅律政司知」，就算勢弱言輕，決不虛作無聲！
短短兩日間，過千個毛孩爸媽就夾錢兼實名聯署，填滿今日嘅《蘋果》A1版面，由貓貓狗狗舉牌一句句口號，旨在話畀政權知道，無論大小生命，面對不公就會有人發聲。發起人仲呼籲大家，無論有無養寵物都好，買一份《蘋果》寫上你要話畀律政司聽嘅事，一人一句，團結反對世界嘅荒謬之事。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！