【本報訊】大批警員前日在葵涌邨以涉嫌串謀刑事毀壞罪拘捕15人，指控他們在葵涌邨天橋及附近商場平台以白膠漿及噴漆張貼宣傳單張。警方昨在fb專頁上載影片，證實被捕人士包括教師，並多次以「有老師帶住學生去犯法」、「有未成年學生被老師帶出嚟去犯法」描述有關案件，當區區議員批評警方未審先判，明顯是「砌生豬肉，誤導公眾」，譴責警方有關行為。

涉貼文宣15人未保釋

大律師陸偉雄表示，串謀刑事毀壞罪是取決於用甚麼張貼單張，舉例指若用普通膠紙張貼，拆除時不會對牆壁造成損壞，不構成刑事毀壞罪，「如果係用入侵性膠水，好似AA超能膠咁，用咗會破壞牆壁表面，咁就屬於毀壞、損壞」。

葵青區議員梁錦威表示，警方前晚約7時行動，廿多名警員在邨內平台拉起封鎖線，「有街坊講（被捕人士）有啲人只係商場買完嘢路過」。15名被捕人士昨晚仍未能保釋，部份人更被警方押上寓所搜查，「最快可能今（昨）晚或聽（今）朝保釋」，有律師跟進各人情況。他批評警方影片「未有任何調查同證據支持就未審先判，好明顯係砌生豬肉，誤導公眾，譴責警方呢個行為」。
■記者張文鈴