張敬軒宣讀長逾七分鐘之聲明後接受訪問，問他可是因家人受壓力，所以出來澄清？他就謂：「唔係。因為呢個對我指控我有參與港獨，我唔知幾時嚟咗個港獨，從未在香港聽過話有人要將香港變成自己嘅地方。

「香港係中國一部分，全件事我一直發表立場，出於對學生嘅關心，我冇諗過言論最尾變咗傳媒選擇性去報道，因為有部份嘅傳媒，無論香港內地，佢哋都有自己嘅政治取態。佢哋將呢啲言論自己鍾意套用喺我支持又得，或者我係有所謂、佢哋口中嘅港獨又得。」

軒仔再謂：「呢一個已經觸及憲法，我必需要澄清，為免有其他，今日個聲明係我同我代表律師商量過，如果有媒體轉載，其實我哋係會起訴佢哋誹謗。」

如繼續有網民指他撐港獨，那軒仔會否採取法律行動？他就說：「因為網絡世界就係咁樣0架喇，我哋除非通過搵網絡警察，佢哋喺邊度登記，用臨時上網地址登記，只希望今日我講完。我覺得我好冤枉，為社會發聲，尤其喺呢個受基本法保障社會入面，點解會變成呢種對國家安全構成一種罪行呢。因為係兩碼子事，由頭到尾都係。」