要買FC東京球隊精品，其實唔使山長水遠去到味之素球場嘅紀念品店，去新宿又得！喺新宿嘅呢間體育用品店，都係FC東京官方認可，雖然唔係好大，但貨品都算應有盡有；其中普通球衣連印字，單把就賣13,608日圓，想印武藤嘉紀件14號？印雙冧把都只係15,012日圓（約940港元）。除此之外，亦有高階嘅落場版，淨衫賣25,920日圓，少咗啲logo嘅球迷版就實惠得多，只係賣3,996日圓。當然唔少得老是常出現J-league聯乘人物米奇老鼠！一個公仔賣1,990日圓。

呢間舖唔只賣FC東京紀念品，仲有好多商品，其中三浦知良嘅FC橫濱波衫賣20,962日圓。仲有就係，店內有好多唔同種類收藏品，原來又係一個博物館！簽名衫，波砵等等都應有盡有！