中國稀土(769)呢家環保國策受惠股,預期PE得單位數,同業中最平,股價仲挨喺1年低位,抵買。稀土主打嘅產品之一,係生產節能燈嘅螢光產品。近幾年,包括中國在內,全球各地都着重環保意識,單係07年度(12月底止),包括螢光材料在內嘅稀土項目,溢利就大升咗60%到2.26億銀。稀土食正環保國策,繼續長搵長有。好保守計數,撇除滙兌收益嘅08年度實際純利,係咁意增長20%,到3億銀,預期PE都係得7.2倍。
又呢期獲券商強烈推介嘅近磅股包鋼稀土(滬:600111),預期PE20倍樓上,至於同類股嘅平均預期PE,講緊起碼雙位數,稀土最抵買。就以稀土08年度10倍PE做目標,稀土現價(1.56元)講緊要升37%到2.14元,集團要追上好似包鋼稀土預期PE水位,講緊要升1.7倍。