唐牛早前一篇文章，其中一段話佔中會被人嫁禍，有心人會特登推冧個市，營造佔中不利經濟嘅局面。

講咗冇幾耐，佔中睇嚟將會發生，嫁禍風險越嚟越高，因為更加多人認為佔中對個市冇影響，里昂話，「佔中」發起人誓言要開啟「反抗的時代」，未來反政府集會或不時造成干擾，但冇乜可能長時間對港股影響，唔會對企業造成嚴重損失，而市場焦點仲喺中國經濟增長度。

之前瑞銀、美林等等出過報告講佔中影響，最近預期轉淡，覺得影響唔大，本欄亦都相信實際影響唔大，頂多似打兩日風，不過當大家都覺得冇乜嘢嘅時候，危機感鬆懈咗，有心人要推個市落去，一個唔該會出現人踩人。

本欄之前話，今浪兩隻象徵性股份：港交所（388）同中移動（941）。港交所無可置疑係今浪象徵性股份，但上周五彈完，今日個市升近百五點，港交所都冇好好升過；另一隻中移動未算成形，本來業績後調整再上似開車，今日都要跌。

就咁睇個市唔強，再升理由唔多，反而要隊就好多理由。例如中國官方製造業PMI五連升繼纜，數字差過預期，增長「勢頭」又保持唔到。麥格理話預期更多刺激政策會推出。

由A股表現，到香港政改，唔會仲有人咁天真，信中央會幫手呀？

高明

神奇‧頂級‧超卓，盡在偶像派財演高明Facebook專頁：
https://www.facebook.com/BigRiceTea