經過區選一役，有網民誇口 「天水圍是時候獨立成第19區」，皆因17個天水圍議席全部「染黃」，令不少人對這「悲情城市」刮目相看。各民主派候任區議員在這一直被視為建制派的據點蓄勢待發，預備好「進駐」各區，其中包括不少首次參選的年輕素人。上一屆區議會選舉中，全港僅得3名22歲的候選人曾成功當選。但單單在今屆區選，已有兩名22歲當選人在天水圍誕生。天水圍贏得「第19區」的美譽，心花怒放的不止是年輕新一代，見證整個社區變化和街坊成長、62歲的慈祐區區議員陳美蓮成功連任後更是感慨萬千，「人在做、天在看，係一個好消息，我哋大家都好開心，不過冇去慶祝啫！」

記者邵靖妍 李錦欣

作為自2004年起屹立於天水圍的民主派前輩，陳於過去4年是天水圍區內唯一一名民主派區議員，在某些關鍵時刻，她亦曾感有心無力，孤掌難鳴。像元朗發生7.21白衣人在西鐵站無差別襲擊市民事件，她曾聯同另外4名元朗區民主派區議員要求召開緊急會議，但當時遭佔大多數的建制派區議員反對，事件終拖至9月3日元朗區議會才能討論，她感到既無奈又氣憤。此外，元朗「17億天價橋」亦是民主派無力阻止政府「亂花錢」的一大例子。眼見元朗大馬路長期飽受交通擠塞的困擾，但建制派支持撥款17億興建的天橋卻是連接朗屏邨與馬田路，花大筆錢做基建卻無好好善用，陳與另外4名元朗區民主派區議員所投的反對票相對於建制派的大比數，顯然是微不足道。

眼看抗爭運動炒熱區選氣氛，選民人數大增至逾400萬；同時有不少素人站出來，令全港452個選區無一能出現過往建制派自動當選的局面，陳因而士氣大振，寄望市民能繼續憑選票發聲。她認為今時今日的香港處於「一個年輕人嘅時代，年輕人佔一個好重要嘅部份，佢哋過去可能冇投票，冇咩睇社會問題，但而家年輕人先係主角，亦係未來主人翁」。抗爭運動的出現令新一代「一晚長大」，重新審視自己於社會上的角色，甚至憑藉手中一票「改變、改革，真係回應咗時代革命」。

對於一班政壇生力軍，陳讚揚未上任的22歲「連登仔」關俊笙，「佢已經開始緊工作，我見到佢facebook，雖然任期未開始，我好佩服佢，所以係充滿希望」。新一批當選人對這位前輩而言，是一大新動力，「呢班年輕人好多都有好高學歷，係香港嘅人才，佢哋亦睇到自己嘅目標，同埋新人事新作風，喺民生方面、社區方面，佢哋有佢哋嘅一套，我覺得係一個新改革，會越來越進步！」她明言希望多與生力軍溝通和交流，亦樂意跟他們分享自己的經驗與心得。從前在區內儼如孤軍作戰的她，對於民主派大勝感到興奮，「冇諗過民主派全勝，所以都好振奮，我諗住今年選舉有幾個（民主派）贏，但冇諗過全贏，好意外！」她的眼神閃爍着充滿期盼的光芒。然而因區選剛完，每個當選人都忙於謝票等，且新一屆任期於明年1月才開始，她暫未與其他當選人有聯繫或計劃新工作。回顧備戰過程，陳喜見不少素人參選，但新參選者似乎無意與陳「撞區」，因而毋須進行額外協調。

區選當日，陳指街坊的投票踴躍度令她吃驚，她相信這與尚未平息的反修例運動不無關係，「我自己覺得好震撼，亦都覺得好感動，香港有好多市民覺醒咗，去關心社會，關心選舉」。今屆區選，陳所屬的慈祐區投票率高於6成，與過往的3至4成比較，進步不少，「選民佢哋都係忙於工作，放工返到屋企都已經係天黑，已經好攰，所以對於社會問題可能都唔太清晰，出面發生咩問題，有啲咩法例，都唔太清晰」。但自從出現抗爭運動，她見證不少街坊脫離「港豬」行列，「每日好多街坊都同我一樣，一起身就睇手機，睇吓有咩事發生，可能都睇到好夜先瞓」。對時事甚至政治敏感度提升不少的街坊，自然會主動參與區選投票。她更表示，有一年輕女生投票後，帶淚向她表示「今次唔輸得，唔可以輸畀民建聯」，因此，她認為政治議題深埋市民心中，特別是較年輕的一輩。慈祐區素來被視為天水圍的「老區」，但區選當日她親見不少「後生仔女」前往票站排隊投票，「嗰日見到咁多人，我好感動，感動好多香港人都係有良知」。

是次區選雖為民主派爭一口氣，但陳認為不能因而掉以輕心，除了區議會，「明年立法會（選舉）議席都好重要，我哋保唔保得住，同埋民主派會唔會攞多過半數，就睇選民能唔能夠齊心，所以會呼籲街坊唔好忘記明年嘅立法會選舉」。她又指曾有街坊向她表示憂慮是次區選不能順利舉行，「一般市民可以做嘅就係投票，如果連呢樣嘢都唔做，香港真係冇得救」。投票，對香港人而言，是理所當然的權利，而這權利，必須靠每個市民同心維繫。

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568