【各有方法】情緒病復發幸無礙 張建聲靠度橋治病
應昌佑投資情緒病張建聲製作公司陳惠敏陳嘉莉雷深如JArie天道友情歲月
張建聲、應昌佑、雷深如(J.Arie)等今日喺中環出席旅遊網活動,張建聲經常為朋友店舖作客宣傳,佢話:「去親朋友舖頭幫手啲人都以為我有份投資,對開舖我完全零概念,有錢都會投資磚頭先,投資方面就想落喺自己嘅製作公司上,搞電影同製作。」佢仲話抗拒生意合作夥伴太多,因為唔識計數,賺同蝕都唔知點。
張建聲現時成立製作公司會同年輕新一代合作,早前同一位年輕編劇,以15分鐘創作電影《天道‧友情歲月》劇本,獲影壇大哥陳惠敏欣賞,即將開拍(新聞連結: https://bit.ly/2xlzg4J ),張建聲話成果就似沖咗杯好正嘅咖啡一樣,唔知會係點。而張建聲嘅舊愛陳嘉莉亦有份出現喺《天道》中,佢話:「除咗呢部之外,仲有部馬拉開拍電影佢都有份,係劇組同意,天注定有佢。」
張建聲自爆早前情緒病發作,現時無大礙,佢話:「之前情緒病,我發現自己最好治病唔係做運動,而係圍埋一班人度嘢,用到個腦好高轉數,然後就等佢放鬆,雖然好變態,但係行得通。」
精選娛聞,喺晒《娛果》
http://fb.com/appledailyent
張建聲、應昌佑、J.Arie等今日喺中環出席旅遊網活動