孫敬安日前於銅鑼灣C.C.Station卡拉OK消遣時,疑醉酒鬧事,在房間內用粗言穢語罵人之餘,又動粗掌摑記者及腳踢雷宇揚,黃百鳴女兒黃漪鈞調停時亦遭潑酒。
雷宇揚等人為逃避孫敬安,轉而到跑馬地AlabarBar飲酒,豈料孫敬安又偕十多人到場與眾再起爭執,一位江湖大哥的汽車更遭人破壞。而事後孫敬安停泊在其寓所停車場的座駕,亦被人淋天拿水意圖焚毀。
拖馬為勸交
警員昨日在孫敬安樓下巡邏,下午約四時半孫敬安偕同太太盧敏儀在寓所樓下向記者說:「嗰晚我係飲多咗,所以先會講嘢大聲咗,至於話我帶咗十幾人去跑馬地,其實只係幫手勸交。我已經打過電話畀雷宇揚同漪鈞有關人等道歉。今次事件令到老婆咁擔心,所以我覺得好對唔住老婆,以後我會盡量飲少啲酒。
「我唔相信自己架車俾人破壞同嗰晚醉酒事件有關,呢件事已交由警方處理,我都唔方便講咁多。」
採訪:娛樂突發組 攝影:黃文偉