現年31歲女星朴秀珍前年跟45歲嘅韓流始祖裴勇俊結婚，二人去年10月升呢做父母，早前再度宣佈喜訊，朴秀珍成功懷有第二胎。

朴秀珍陀B後未有停止更新Instagram，噚日更於Ig大方公開全身照。雖然朴秀珍穿上鬆身衫遮肚，不過就穿上短裙晒腿示人，見佢雙腿依舊纖瘦，就咁望一啲都唔似大肚。而朴秀珍就留言表示係久違嘅外出，未知係唔係跟老公裴勇俊去約會呢？