跟投行友人說起龍皇集團上市，談論到龍皇隨時「未上市先發盈警」，友人笑密西比大驚少怪，稱香港飲食股上市，絕大多數是項莊舞劍，意在「啤殼」，於工程股成為近年「啤殼佳品」前，飲食業從來也是「啤殼」首選，入門門檻低，能短時間「谷起」生意，又容易吸引市場注意。

友人說：「除左近十年開始有嘅eIPO，一直以嚟香港公司上市係唔可以賣廣告嘅，飲食股就可突破呢條盲腸，因為規定只係限制唔俾賣招股廣告，但就無限制賣啲同經營有關嘅廣告，所以你一見啲以往唔係點賣廣告嘅飲食集團突然大賣廣告，十居其九都有啲嘢，唔係搞緊上市就係就嚟上市。」

正所謂「曲到盡頭就是圓」，既然早知「啤殼」是上市終極目的，趁上市買入等「變身」便可大賺一筆？友人笑說：「你錢太多咪咁做囉，曾經有隻薄有名氣飲食股，上左市幾年就身，新主人入主後又話搞地產又話搞網，之後隻嘢咪變左仙股囉，買中就真係喊三聲都無謂。」

以小博大人之常情，惟小心「偷雞唔到蝕渣米」。

密西比

掌握財經生活資訊，即Like「蘋果ATM」fb專頁啦！
http://fb.com/appledailyatm