【乜都試】主持亞視節目多咗工作 樂瞳話暫時唔出寫真集

蘋果日報 2018/03/26 16:45

朱慧敏樂瞳南角道商戶大聯盟
    朱慧敏同樂瞳今日喺九龍城出席亞視支持嘅「南角道商戶大聯盟」活動。
    朱慧敏活動後會趕往大陸登台，來回單單車程就要用上13個鐘，不過佢都唔怕辛苦，仲話要努力儲錢，佢仲話試過1日接4單工作，朱慧敏又落力為亞視宣傳，話嚟會有韓劇、大陸劇同音樂節目播放，而平時佢都有追睇韓劇：「睇韓劇或者聽韓國嘅音樂，會令我有一種戀愛甜蜜蜜嘅幻想，有番啲少女情懷，o依家未有拖拍，希望搵到個年紀比我大，內心充滿少男情懷嘅男仔。」
    另外，樂瞳同曾華倩一齊主持亞視節目後多咗好多工作機會，佢話今年想出新歌，同時兼顧主持同拍戲工作，而嚟緊會學清酒鑽研課程，希望可以創業，問佢今年會唔會出寫真？佢話：「暫時唔會嘞，出書都可能係講酒，希望樣樣做吓，亦希望亞視開劇可以搵埋我，太耐冇拍劇，都技癢。」至於問佢係咪封胸？佢就話：「我覺得冇乜所謂，睇場合，角色上需要都會配合。」
    精選娛聞，喺晒《娛果》
    http://fb.com/appledailyent
    empty
    朱慧敏同樂瞳今日喺九龍城出席亞視支持嘅「南角道商戶大聯盟」活動。
    empty
    朱慧敏活動後會趕往大陸登台，來回單單車程就要用上13個鐘。
    empty
    不過佢都唔怕辛苦，仲話要努力儲錢，佢仲話試過1日接4單工作。
    empty
    樂瞳同曾華倩一齊主持亞視節目後多咗好多工作機會，佢話今年想出新歌。
    empty
    同時兼顧主持同拍戲工作，而嚟緊會學清酒鑽研課程，希望可以創業。