「2017年度勁歌金曲頒獎典禮」喺頒發第二首金曲獎之前，播出3個學生嘅街訪片，其中有人提到話鍾意何雁詩為《不懂撒嬌的女人》唱嘅主題曲《我不會撒嬌》，跟住就宣佈頒獎俾何雁詩，佢上台後話：「今年經歷咗好多好同唔好既事，但希望無論我啲歌定係我個人，每一首同每一日都會比前一日進步。」之後又播喺街巿做嘅街訪，問啲主婦們那些年鍾意聽嘅歌，跟住宣佈第三首金曲獎落喺王灝兒（JW）嘅《安全感》手上。

到第3部分，大會安排麥明詩、6號同馮盈盈3位主持玩一路抖肩一路rap，跟住仲同搵何雁詩、吳業坤、JW等歌手即興接住玩。畫面見麥明詩好「頻能」咁睇住手上嘅MC script，而MK味勁濃嘅馮盈盈此時更加係盡情發揮佢嘅「味力」，眾歌手個個成頭問號咁望住佢哋唔知做乜，有幾個男歌手仲陰陰嘴笑…

第4及5首勁歌金曲為吳浩康嘅《較早前錄影》及許靖韻嘅《琢磨》，吳浩康話感謝公司支持，因為年頭時唔知會發展成點，而許靖韻就話：「多謝小背心，多謝歌迷。」

之後胡鴻鈞連攞兩個金曲獎，分別係《到此一遊》同《朋友身份》，佢話：「今年好特別，喺音樂上新嘗試，我知道《朋友身份》隻歌本身唔係屬於我嘅，幾經波折落喺我手上，多謝團隊對我信心。」之後就唱出《到此一遊》。

由華納轉會去星夢、做咗星夢一哥嘅周柏豪，當然有得出席，佢嘅《使徒行者2》主題曲《天網》都有得獎。

咦，李克勤呢？

更多娛聞，喺晒《娛果》
http://fb.com/appledailyent

【minigame】2017瘋暈人物 返工打機唔使擇日
http://bit.ly/2CeWQkP