當年今日

  東華就職禮拜神農皇 - 李八方

蘋果日報 2002/04/05 00:00


十萬蚊多唔多?對於贊助老董選舉嘅幾十個大粒佬嚟講,真係小兒科。八方噚日喺東華嘅活動見到其中一個贊助人──全國政協常委李東海,佢坦言十萬蚊「算得係乜嘢」,過去咁多年幫東華籌款都一千幾百萬啦!講金又講心,真實際。
講開東華三院,佢哋噚日在民政事務局局長林煥光帶領下,舉行新董事局宣誓儀式。交職禮堂格局好特別,台上嘉賓席後有一幅「醫藥之師」神農皇嘅畫,旁邊重有兩支大紅燭火同三支大香。點解布置成咁?原來東華喺宣誓前,行咗一個傳統參拜儀式,而個禮堂更是歷史悠久,由一九三三年東華醫院重建後一直用到現在。
雖然經濟不景,但東華嘅善款仍然打破歷年紀錄,高達兩億。好彩,香港重有唔少善心人。
(圖)在民政事務局局長林煥光帶領下,東華新董事局剛進行完宣誓儀式。 凌樹輝攝


E-mail:[email protected]