安以軒去年6月於夏威夷，與澳門百億CEO陳榮煉結婚(新聞連結： https://bit.ly/2GTpuKk )，噚日夜晚安以軒就喺微博貼咗佢同老公去土耳其慶祝結婚一周年嘅靚相，見到佢哋食雪糕，又親嘴，真係好恩愛呀！

安以軒同陳榮煉結婚一年，之前安以軒就喺微博自爆因身體出現問題，要急做手術保命，然而就有傳佢係因為宮外孕，安以軒手術後4日就到澳門出席老公旗下公司嘅春茗活動，當時佢都冇講入院原因，只話：「如果大家真的很想知道為什麼動手術，那就寫我割盲腸吧！」(新聞連結： https://bit.ly/2G2pFkA )

事隔兩個多月，安以軒身體亦已康復，佢仲趁結婚一周年，同老公去咗土耳奇其慶祝。安以軒噚晚就喺微博貼相同大家開心些牙，佢留言話：「吃到老玩到老的第一個365天，小叮當夫婦一起去浪漫的土耳其，6月5日是屬於我們的節日，一周年快樂！」

相中嘅安以軒同老公煙韌到痺，幾乎每張相都又錫又拖又攬，金像導演陳嘉上都被閃親留言：「像年輕了一歲呢！」安以軒搞笑回覆：「他嗎？」陳嘉上直指：「明明是說你」，證明戀愛中嘅女人可以青春常駐！58歲陳嘉上早前被本報踢爆同細30歲大陸女星夏沫僑譜父女戀，同樣有愛情滋潤嘅金像導演，唔知係咪都想睇落後生啲呢。

精選娛聞，喺晒《娛果》
http://fb.com/appledailyent