市差不如講吓股票閃人的技術。從前有位阿叔以偷為生，有日其兒子問父親：「我也想學偷，你教我吧！」晚上小偷帶兒子到一戶人家，叫兒子在牆上挖個窿爬入去偷嘢，自己卻在門外大叫有賊，嚇得兒子半死。傭人提着蠟燭衝入房捉賊，兒子見門一打開，就推開傭人吹熄蠟燭喪跑。跑到河邊，兒子為引開傭人注意，故意往河的另一邊拋石，終於成功逃回家中。小偷對兒子說：「你現在已學會成為小偷了。」

這故事告訴我們，小偷本事不在偷，而在遇上危急關頭時要識閃。炒股票其實一樣，要在市場巨人身上搵食，時刻都有危險，能夠長期在市場生存，必須隨時準備閃人，保本才能長期作戰。方法其實不外乎三個：一、賺錢時分階段食糊，不要想賺盡整個升浪，因高位永遠事後才知道；二、要經常問自己「可以輸幾多」，到了底線就機械式斬倉；三、消息混亂唔知點算時，閃咗先講，真係錯了可以反手追，但唔走隨時totalloss冇仇報。

股份繼續鎖定高息工業股，紡織股互太紡織（1382）中期盈利增長18%，續派40仙高息，預測息率逾6厘，可視為避險之選。

掌握財經生活資訊，即Like「蘋果ATM」fb專頁啦！
http://fb.com/appledailyatm