即將放聖誕假嘅特首林鄭月娥，今日接受馬浚偉主持嘅電台訪談節目時談及那些年往事，憶述細個一家七口住灣仔告士打道唐樓板間房，兄弟姐妹都係婆婆湊，自己有時都幫阿媽穿膠花、剪布頭，幫補家計。

林鄭唔係喺醫院出世，而係由「執媽」接生，佢話住板間房時，每個單位住4至5戶人，佢嗰家住閣樓，房內甚至無法企立，細個讀書時要將「碌架床」當書枱。佢小時爸爸同祖母都中風，媽媽外出工作，亦要攞啲手作仔返屋企做，故此屋企煮飯、照顧細路等都由外婆負責，自己同外婆感情一直好好。

佢話當時嘅醫療、福利同長者服務等政策都唔足夠，要靠家人支援，所以佢從小已經強烈感受到，中國人嘅靠自己精神，又話制定社會政策時，都唔希望政策會令人失去自助精神。